Лиганинг доимий иштирокчиларидан бири бўлиб келаётган “НБУ-Осиё” мавсумни 6-ўринда якунлади. “Банкирлар”ни аввалига Жаъфар Ирисметов бошқариб келаётганди. Лекин айрим сабабларга кўра собиқ голеадор ўз ўрнини бўшатиб қўйди. Шундан сўнг клуб раҳбарияти бошқарув постига Равшан Бозоровни олиб келди. 46 ёшли мутахассисга Александр Хвостунов ўйновчи мураббий сифатида ҳам ёрдам бермоқда. Мухлисларга яхши маълумки, бу йил тошкентликлар ўз сафига тажрибали ўйинчиларни қўшиб олди.

Лекин барибир жамоа ўз олдига кучлилар сафига чиқишни асосий вазифа қилиб қўймаяпти. Таркиб борасида уларни бемалол етакчилар сафига қўшиш мумкин. Балки кейинчалик моддий техник база ва клуб инфратузилмаси яхшиланиб, “НБУ-Осиё” ҳам элита йўлланмаси учун кураш олиб борар. Буни вақт кўрсатади.

Иккинчи босқичда “НБУ-Осиё”нинг қайдлари қуйидагича бўлди.

Ўйинлар	16
Голлар	32
Уйда	20 (62,5%)
Сафарда	12 (37,5%)
Ўтказиб юборилган голлар	25
Уйда	12 (48%)
Сафарда	13 (52%)
Ўртача урилган голлар	2
Ўртача ўтказиб юборилган голлар	1,56
Уйдаги очколар	16/24 (66,67 %)
Сафардаги тўпланган очколар	9/24 (37,5 %)
Энг йирик ғалаба	5:2 – “Ғаллакор”
Энг йирик мағлубият	0:3 – “Шўртан”, “Шўртан”
Гол ўтказмаган ўйинлар	3 (18,75%)
Гол ура олмаган ўйинлар	4 (25%)
Иродали ғалаба	2
Иродали дуранг	3
Иродасиз мағлубият	1
Иродасиз дуранг	0
Йирик ғалаба	4
Йирик мағлубият	2
Автогол (урилган/ўтказиб юборилган)	2/0
Огоҳлантириш (ўртача)	32 (2)
Четлатиш (ўртача) – Тўғридан-тўғри/2СК	2 (0,12) - 0/2
Мухлислар (жами/ўртача)	9614/601

“НБУ-Осиё” ҳисобига иккинчи босқичда жами 32та гол ёзилди. Шундан 30тасини жамоа аъзолари урган. Қолган иккитаси эса “Орол” ва “Хоразм”га қарши ўйинларда автогол тарзда киритилган.

Носир Эронов иккинчи босқичда жамоа тўпурари бўлди.
Ким қанча гол урди?

Футболчи	Гол
Носир Эронов	6
Абдумажид Тоиров	4
Леонид Кошелев	4
Александр Лупашко	3
Гай-Этано Юсупов	2
Даврон Валижонов	2
Икром Ибрагимов	2
Мурод Ражабов	2
Алексей Николаев	1
Жавлон Гусейнов	1
Жаҳонгир Соқиев	1
Никита Свиридов	1
Фарруҳ Нурлибоев	1
Аллаёр Реимов (автогол)	1
Жамол Машарипов (автогол)	1

Исломбек Рустамбеков.

Иккинчи босқич якунлари. “НБУ-Осиё” ҳақида