Футболчи жорий мавсумда фарғоналикларнинг муҳим фигурасига айланди.

"Мавсум бошида биз учун қийин бўлди. Охирида яхши меҳнат қилдик ва меҳнатимизга яраша чемпионлик насиб қилди, юзимиз ёруғ бўлди.

Чемпионлик қийин бўлгани учун ҳиссиётларга берилдим. Кўзёшга яна бир сабаб Қувондиқ Рўзиев билан ёшлигимиздан бирга катта бўлганмиз. Олдин ҳам бирга чемпионликни қўлга киритганмиз, лекин доимиий ўйнаб эмас. Бу сафаргиси бошқача бўлди. Шу боис иккимиздан қувонч кўзёшлари тўкилди.

Албатта, мухлисларнинг ҳиссаси катта. Нафақат уй, сафарда ҳам қўллаб-қувватлашди. Уларга катта раҳмат айтамиз. "Нефтчи"ни шу ҳолатига олиб келишдаги ҳаммага, вилоят ҳокимимиз, ошпазлар, умуман, барчанинг ҳиссаси бор", – деди Алибоев.

Эслатиб ўтамиз, бугун "Нефтчи" Фарғонада "Қизилқум" билан тўқнаш келиб, 4:1 ҳисобида ғалаба қозонди ва кўп йиллар давомида кутилган чемпионликни тантана қилди.

Икром Алибоев: "Мавсум бошида қийин бўлди, охирида яхши меҳнат қилдик"