"Ўтган йилиям қуръа биз учун оғир келди деб айтишганди. Бироқ аслида тақвим ҳар доим бир хил бўлади. Барча рақиблар билан барибир қачондир ўйнаймиз. Шунчаки мавсум бошида йигитлар яхши формада бўлишса бас", - дейди Қурбонов.

- Янги мавсум учун "Машъал" ўз олдига қандай мақсад қўйилди?
- Аввало барча ўйинда ғалаба учун ўйнаймиз. Иложи бўлса Осиё Чемпионлар лигасига йўлланма учун куршамамиз. Яъни 2014 йилги натижамизни яхшилашга уринамиз.

- Бунинг учун таркибни яхшигина кучайтириш керак бўлади. Бу борада иш олиб борилаяптими?
- Селекция ишлари давом этмоқда. Бир нечта легионерлар билан музокара ўтказаяпмиз. Бугун-эрта фамилияларни маълум қиламиз.

- Бугунга келиб клубдан кетган футболчилар борми?
- Расман Мўйдин Мамазулумов, Аббос Омонов ва Андрей Деркач каби футболчиларнинг шартномалари якунланди. Улар жамоамизни тарк этишди. Мирзоҳид Ғофуровнинг шу йил охиригача амалдаги шартномаси бор. Бироқ у ҳозирда биздан руҳсат сўраган ҳолда "Бунёдкор" машғулотларида иштирок этмоқда. Ғофуров қайси клубда ўйнашини ўзи ҳал қилади. Бу масала яқин кунларда ҳал бўлади.

- Шукуров ва Шомуродов каби футболчиларга хориждан қизиқиш бўлганди. Ҳозир вазият қандай?
- Отабек Шукуровга "Бунёдкор" қизиқиш билдирди. Тошкент клуби билан музокара ўтказаяпмиз. Элдор Шомуродов эса 8 январь куни Германия клубида кўрикдан ўтиш учун учиб кетади. Немис клуби унинг визалари билан шуғулланмоқда.

- Зоҳир Қўзибоев масаласи нима бўлди?
- Зоҳирнинг 31 декабргача "Машъал" билан шартномаси бор. Хориж клубига ўтиши мумкин. Лекин уни жамоада олиб қолишга уринамиз, Қўзибоев ўзимизга ҳам керак.

Нарзулла Сайдуллаев суҳбатлашди

Илҳом Қурбонов: "2015 йил ОЧЛ учун ҳаракат қиламиз"