- Бундай ўйинлар ғалабалардан кўра кўпроқ дарс беради. Баъзида ишлар яхши кетяпти деб ўйлаётганингда шундай ўйинлар бизни фикрлашга, ўсишга ундайди. Ҳисоб 2:1 пайтида биз ўйнаётгандик, ҳатто бундай оғир майдонда ўйнасак ҳам. Йигитларга осон бўлмади. Биринчи бўлимда нималардир қилишга ҳаракат қилдик. Дарвозабонимизнинг хатосидан кейин биз тўхтаб қолдик. Ҳа, бундай ҳолатлар ҳам бўлиб туради. Бунақаси бошқа бўлмаслиги керак. Бугун таркибда кўплаб ёш футболчилар майдонга тушди. ОКМК жамоасида бир ҳафта олдин "Сўғдиёна"га қарши баҳсда ҳам шундай ҳолат бўлганди. Бу футбол.

- Сиз келганингиздан кейин "Бунёдкор"да бир мақсад йўлида курашиш, бир ёқадан бош чиқаришда анча ўсишга эришди. Бироқ бугун иккинчи голдан кейин барча "ухлаб қолди". Бу "Бунёдкор" учун ноодатий ҳолат.

- Сиз ҳақсиз. Келганимдан буён бундай ҳолат илк марта содир бўлмоқда. Барчасини тахлил қилиб, йигитлар билан гаплашиб оламиз. Бундай ҳолатга асосий жавобгар менман. Чунки асосий кўрсатмаларни мен етказиб бера олишим керак. Лекин бу каби ҳолатлар яхшиликка ҳизмат қилиши керак. Ҳисоб 2:1 пайтида ҳам биз зич ҳимояланиб, яхшироқ ўйин кўрсатишимиз керак эди. Ўтган 95 дақиқалик ўйиндан истаганча дарс олиш мумкин.

- Сўнгги пайтларда дарвозабонлар хатолари борасида ўзингиз ҳам гапиргандингиз. Бугун Абдумавлон Абдужалилов хато қилганидан кейин унинг ўзи алмаштирилишини сўрадими ёки Сиз алмаштирдингизми? Чунки дарвозабонни алмаштириш дарвозабонлардаги ўзига бўлган ишончни тушириб юборади.

- Йўқ, барчаси менга боғлиқ бўлганида уни ўзгартирмаган бўлардим. Абдумавлон яхши дарвозабон, хато эса ҳаммада бўлиб туради. Фақатгина бир хато учун футболчини алмаштирмайман. Абдумавлон жароҳат олди. Шу сабабли алмаштирилди. Бундай оғир майдонда ўйнагандан кейин хатолар сони салмоқли бўлади. Бу ерда яна яхши майдон бўлади. Ёмон жойи йўқ.

- Ўзбекистон Кубоги финалида кимлар ўйнашини тахмин қиляпсиз?

- "Пахтакор" - асосий фаворит. Бир ҳафта олдин ОКМКга қарши ўйнаган "Сўғдиёна" ҳам ажойиб ҳолатда. Менимча "Пахтакор" ва "Сўғдиёна" ўз жуфтликларида фаворит ва улар финалга чиқишади.

Илёс Зейтуллаев: "Бундай ўйинлар кўпроқ дарс беради"