"Лацио" ҳужумчиси Чиро Иммобиле терма Жаҳон чемпионатига чиқа олмаганидан сўнг Италия терма жамоасидаги фаолиятини якунламоқчи бўлганини айтди.

"Тўғри, мен кетишни хоҳлагандим, лекин кейин Манчини билан гаплашдим ва ҳали терма жамоага кераклигимни англадим. Ҳафсалангиз пир бўлганда, минг хил нарсани ўйлайсиз. Бироқ мен мураббий билан гаплашдим ва Италияга ҳали ҳам кераклигимни ҳис қилдим.
Биз тажрибали ўйинчимиз, ёш футболчиларнинг ривожланишига ёрдам бера оламиз. Мураббий айтганидек, кейинги Европа ва Жаҳон чемпионатларига қайтамиз", – деди Иммобиле.

Иммобиле Италия терма жамоаси сафида 2014 йилдан бери ўйнаб келади. 32 ёшли ҳужумчи ҳисобида терма жамоада 55 та ўйин ва 15 та гол бор.

Иммобиле Италия терма жамоасидаги фаолиятини якунламоқчи эди