Андрес Иньеста Японияда солиқлардан бўйин товлашда гумон қилинмоқда. Япония солиқ идоралари Андресдан 580 млн иена (тахминан 3,5 млн евро) талаб қилишмоқда.

Айбловга кўра, "Виссел Кобе" собиқ футболчиси мамлакатда бўлган пайтида ўз даромадларини тўлиқ кўрсатиб ўтмаган. Аниқроғи, Иньеста "Виссел Кобе"да ўйнаган даврида (2018-2023 йиллар) 860 млн иена (5,2 млн евро) миқдоридаги даромади ҳақидаги маълумотни солиқ органларига тақдим қилмаган.

Ҳозирда Япония ҳукумати Иньестадан яқорида айтиб ўтилган 580 млн иена (тахминан 3,5 млн евро) миқдорадаги суммани талаб қилмоқда. Бу сумма ичида ўз вақтида тўланмаган солиқлардан ҳосил бўлган пения ҳам бор.

Маълумот учун, айни дамда Андрес Иньеста БААнинг "Эмирейтс" клубида фаолият олиб бормоқда.

Иньеста Японияда солиқлардан қочишда айбланмоқда. Гап бир неча миллион евро ҳақида кетмоқда