- Чемиртаннинг жамоадан кетиши "Бухоро" мухлисларини ларзага солди. "Бухоро" нега Чемиртанни жамоада олиб қололмади?

- Биз Вадим Чемиртан билан мавсум якунлангач, музокара ўтказишни келишиб олгандик. Яъни, у аввалига бизнинг таклифимизни, кейинчалик бошқа таклифларни қўриб чиқиши лозим эди. Лекин ҳужумчи биз билан хаттоки учрашмасдан жамоани тарк этди ва бошқа клубга ўтди.

- "Бухоро" жамоаси Артур Геворкян ва Игнатий Нестеровга қизиқаётганлиги қанчалик рост?

- Биринчи марта эшитиб турибман. Лекин ҳаётда ҳамма нарса руй бериши мумкин. Трансфер ойнаси пайтида ҳар хил миш-мишлар бўлиб туради. Бу футболчиларни жамоага жалб этишга қодир эмасмиз. Уларнинг шартномаларидаги молиявий тарафларига жавоб беришга қурбимиз етмайди. Бу икки футболчи чемпион жамоа сафида ўйнайди ва "Бухоро" ўтишни хоҳлашмайди ҳам. Менимча, Артур Геворкян ва Игнатий Нестеров каби футболчилар бизнинг жамоага келишмайди.

- "Бухоро"нинг яна бир етакчи футболчиси Шавкат Саломов жамоада қоладими?

- Буни вақт кўрсатади. Ҳозирча уларнинг амалдаги шартномаси 31 декабрга қадар мўлжалланган. Кўп нарса айнан январь ойида ҳал бўлади. Трансферларнинг асосий қисми ҳам январда бошланади. Ўшанда барча масалага ойдинлик киритилади.

- "Бухоро" мухлисларига кейинги йили жамоа янада кучайишини ва кучли футболчилар жалб этилигини ваъда бера оласизми?

- Биз қўлимиздан келган барча ишни амалга оширамиз ва ҳаммаси яхшироқ бўлиши учун ҳаракат қиламиз.

Шаҳбоз Беғамов суҳбатлашди.

Бухоролик мухлислар Вадим Чемиртанга пул йиғиб беришга тайёрлар ФОТО

Чемиртан "Бунёдкор" сафида машғулот ўтказмоқда

Интервью. Чемиртан келишувга амал қилмади