Мазкур учрашув олдидан Валерий Кичин матбуот анжуманида фикрларини билдирди. Биз эса тадбир якунида қирғизистонлик ҳимоячига бошқа саволлар билан юзландик.

- Ўзбекистон Суперлигасида чемпионлик учун ким фаворит?

- Чемпионат учрашувлари ва натижаларини кузатиб бормоқдаман. "Нефтчи" ҳозир яхши таркиб жамлаган. "Насаф" билан жадвалда яхши рақобат ҳосил қилган. "Нефтчи"да Жоэль Кожо ўйнамоқда. Шу боис Фарғона жамоаси чемпион бўлиши тарафдориман.

- Кубокда қайси жамоа сенсация кўрсатади?

- "Бухоро" сенсация қилишини истардим.

- Жаҳон чемпионатида Ўзбекистон бир пайтлар Болгария, Руминия каби кашфиёт жамоа бўлиши мумкинми?

- Ўзбекистондан муносиб ўйин кутамиз, иккинчи навбатда сенсация бўлиши мумкин. Турк мамлакатлари орасидан муносиб иштирок кутиб қоламиз.

- Ўзбекистон терма жамоасида Паулу Бенту иш бошлаши кутилмоқда. Сизнинг фикрингиз қандай?

- Гап сўзларга ишонмайман. Турнирда Ўзбекистон мураббийи сифатида Тимур Кападзе ишлайди.

Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"