Исландиянинг Евро-2016 учун якуний таркиби маълум

Tolibjon Qosimov

2 jun 2016

Исландия футбол федерацияси расмий сайти миллий терма жамоанинг Францияда бўлиб ўтадиган Евро-2016га борадиган якуний таркибини эълон қилди.

Дарвозабонлар: Ханнес Хадльдорссон ("Буде-Глимт", Норвегия), Эгмундур Кристинссон ("Хаммарбю", Швеция), Ингвар Йонссон ("Старт", Норвегия);

Ҳимоячилар: Биркир Севарссон ("Хаммарбю", Швеция), Рагнар Сигурдссон ("Краснодар", Россия), Кари Арнасон ("Мальме", Швеция), Ари Скуласон ("Оденсе", Дания), Хаукур-Хейдар Хаукссон (АИК, Швеция), Сверрир Ингасон ("Локерен", Бельгия), Хердур Магнуссон ("Чезена", Италия), Хертур Херманнссон ("Гетеборг", Швеция);

Ярим ҳимоячилар: Арон Гуннарссон ("Кардифф Сити", Уэльс), Эмиль Халльфредссон ("Удинезе", Италия), Биркир Бьяднасон ("Базель", Швейцария), Юханн Берг Гудмундссон ("Чарльтон", Англия), Гилфи Сигурдссон ("Суонси", Уэльс), Эльмар Бьярнасон ("Орхус", Дания), Рунар Мар Сигурйонссон ("Сундсвалль", Швеция), Арнор Ингви Траустасон ("Норрчепинг", Швеция)

Ҳужумчилар: Эйдур Гудйонсен ("Мольде", Норвегия), Колбейнн Сигторссон ("Нант", Франция), Альвред Финнбогасон ("Аугсбург", Германия), Йон Дади Бедварссон ("Викинг", Норвегия).

Исландия ЕВРО-2016

Изоҳлар

Ulug'bek_Yusupov

2 jun 2016

Франция мамлакатида ўтадиган футбол бўйича Европа Чемпионатининг бошланишига ҳам оз вақт қолди. Шубҳасиз, ўзбекистонлик ишқибозлар мазкур мусобақани катта қизиқиш билан кузатиб боришади. 24та терма жамоа бош соврин учун курашга киришади. Ҳатто, кўпчилик Евро-2016ни кичик Жаҳон чемпионатига қиёсламоқда. Мавқеи, аудиторияси ва кўримлилиги билан ЖЧлардан қолишмаслиги таъкидланмоқда. Табиийки, бунақа пайтда ҳар қандай футбол мухлисида жараённи кузатиб бориш, керак бўлса узлуксиз равишда воқелик билан ошно бўлиш истаги пайдо бўлади. Буни ҳақиқий футбол шинавандаси жуда яхши билади. UFF.uz сайти шу пайтгача катта-катта футбол мусобақаларини жойнинг ўзидан туриб ёритиб келган. Анъана бу сафар ҳам ўзгармай қолди. Насиб қилса, бошланажак чемпионат сайтимиз вакиллари томонидан имкон қадар ёритиб борилади. Шу ўринда Евро-2016 атрофидаги ташкилий масалалар ва журналистларга бериладиган квоталар ҳақида икки оғиз сўз айтиб кетсак. Чунки, буни мухлислар билиши шартдир. Демак, Евро-2016 ўйинлари Европа қитъасида ўтмоқда. Уни 4.000 дан зиёд журналистлар ёритиб боради. Бутун дунё журналистларидан 50.000 дан ортиқ ариза келиб тушган. Лекин уларнинг деярли 90% дан ортиғига рад жавоби берилган. Нега? Мусобақада ишлайдиган журналистларга учун квоталар тақсимоти қуйидагича белгиланган: 1. Биринчи бўлиб, Евро-2016да иштирок этаётган терма жамоаларнинг мамлакатларидан келган журналистларга аккредитация берилади 2. Иккинчи бўлиб, Евро-2016 трансляция ҳуқуқини сотиб олган медиакорхоналарнинг журналистларига аккредитация берилади 3. Учинчи бўлиб, Европанинг бошқа давлатларидан (Еврода термаси қатнашмайдиган) келган журналистларга аккредитация берилади. 4. Тўртинчи бўлиб, дунё миқёсидаги гигант медиа-корхоналарининг (ESPN, New York Times, Al JAseera, Asahi, Sky Sports ва ҳоказо) журналистларига аккредитация берилади ва ана шундан кейин квоталар ортиб қолсагина бошқаларга аккредитация берилади. Квоталар эса, булардан ортмайди. Табиийки, Ўзбекистоннинг биронта журналистига ҳам аккредитация берилмади. Ҳатто, Қозоғистон ва Озарбайжоннинг кўзга кўринган нашрлари ҳам аккредитация ололмаган. UFF.uz сайти ҳам ушбу мусобақани ёритиш истагида аккредитация олиш учун ариза топширганди ва бунга рад жавобини олди. УЕФА мутасаддилари квоталарнинг ўзбекистонлик журналистларгача етиб келмаганини асос қилиб кўрсатишди. Шу йилнинг январь ойи охирларида аккредиция берилмаганлиги борасида УЕФАдан расмий хат олдик. Нима қилиш керак? Наҳотки, ўзбекистонлик ишқибозлар жойнинг ўзидан туриб етказилаётган хабарлардан бебаҳра қолса, деган саволлар бизни тинч қўймасди. Мен Санъат билан маслаҳатлашиб, кейинги стратегияни белгилаш борасида режаларни туза бошладик. Бу орада Санъат Цюрих Университети Ҳуқушунослик факультетининг "Халқаро Спорт Ҳуқуқи" йўналиши бўйича таҳсил олаётганди. Вазиятни чуқур ўрганиб чиқиб, нима қилиб бўлса ҳам Еврога бориш учун ечим топишга тушдик... Ниҳоят, Санъат Шариповнинг сайъ-ҳаракати ва унинг ФИФАдаги танишлари орқали UFF.uz сайти учун битта аккредитация олишга муваффақ бўлдик. Ҳа, УЕФА мутасаддилари UFF.uz сайтини қайтадан махсус ўрганиб чиқиб, Ўрта Осиё давлатлари орасида ягона бўлган ҳуқуқни сайтимизга тақдим этди. Излаган имкон топади, деганлари ҳақ бўлиб чиқди. Тўғри, Ўзбекистондан транслция ҳуқуқини сотиб олган "UzreportTV" вакиллари ҳам иштирок этишади. Улар ТВ мақомида фаолият юритишади. Биз эса, Интернет нашр сифатида фаолият олиб борамиз. Евроўйинлар ўтадиган стадион атрофлари, мухлислар учун ажратилган "фан-фест"лар, медиа-марказдаги бўлаётган ваоқелар ва бевосида стадион ичидаги муҳит ишқибозларимизга имкон қадар етказилади. Улар ҳам воқеликни жойнинг ўзидан ҳис қилиб боришади. Насиб қилса, келаси ҳафта мен ва Санъат иккимиз Франция қайдасан деб, йўлга чиқамиз. У ерда топганимизни сиз билан бирга баҳам кўрамиз. Сайтдан йироқлашмай туринг, катта футбол байрами бошланмоқда. А.Акбаров Манба UFF.uz сайти