"Бугун икки жамоа ҳам ҳужумкор ўйин кўрсатди. Буни дарвозаларга киритилган тўплардан ҳам билса бўлади. Ўзимни жамоам ҳақида гапирадиган бўлсам, ҳужум ва ҳимоя ўртасидаги балансни ушлай олмадик. Шуни ҳисобига яратилган кўплаб вазиятларни қўлдан бой бердик. Ҳимояда энг ишонган ва тажрибали футболчиларимиз ёш болаларча хатоларга йўл қўйди.

Тезкор гол кутмагандик. Албатта, бу болларни руҳиятига таъсир қилди. Футболда майлонга тушганингиздан сўнг олдиндан нима бўлишини билмайсиз. Иккинчи бўлим учун йигитларга алоҳида раҳмат айтаман. Чунки, улар биз ўйлаган режаларни ва ғояларни майдонда кўрсатиб бера олишди. Иккинчи бўлим тўлиқ устунлигимиз остида ўтди. Футболда имкониятлардан фойдаланган жамоа ғалаба қозонади.

Жамоамизга алоҳида фитнес мураббийи, диетолог ва бошқа мутахассисларни жалб қилганмиз. Шу кунгача эътибордан четда қолган нарсаларни тубдан ўзгартирмоқдамиз. Футболчилар буларни тўғри қабул қилишмоқда. Тўғри, натижа ўхшамаётгандир. Мана бугун ҳам боллар иккинчи бўлимда яхши ўйин намойиш қилишди.

Кубок баҳсидан кейин бизда ўзгача иштиёқ бор эди. Уларни Ғузорда ютишни истагандик. Умуман олганда "Шўртан" яхши шаклланган жамоа ҳисобланади. Жамоада тажрибали мураббий ишламоқда. Асрор ака Алиқулов ўтган йили "Машъал"ни Суперлигага олиб чиқди. Мендан кўра анча тажрибали.

Мурод Исмоилов ҳаётда отам бўладилар. Клубда эса ёрдамчи, таҳлилчи мураббийлар. Уларни мутахассис сифатида жамоага жалб қилганмиз. Буни футболчилар тўғри тушунишларини истардим. Ўйинларни таҳлил қилишга ёрдам берадилар ва хатоларимизни айтиб машғулотларда ёрдам берадилар.

"Турон" жамоасини олдига Суперлигага чиқиш вазифаси қўйилган. Бунинг учур раҳбарият томонидан барча шароитлар яратиб берилмоқда",- дейди Ислом Исмоилов.

Ислом Исмоилов: "Иккинчи бўлим учун шогирдларимга раҳмат айтаман"