- Кеча ҳам айтганимдек, оғир ўйин бўлди. Чунки Парагвай термаси бутун дунёда ўз ўрнига эга термалардан бири ҳисобланади. Учрашувдан олдин ўйлаган ҳамма режаларимиз амалга ошди. Тўғри хатолар бор. Лекин биринчи ўйин ҳаяжони билан боғлиқ.

- Парагвай қуръада биринчи саватчадан ўрин олганди. Ушбу термани гуруҳдаги энг жиддий рақиб деса бўладими? Ёки энг жиддий рақиб Ирландиями?

- Бошқа гуруҳларда битта яққол аутсайдер бор. Лекин бизнинг гуруҳда ундай жамоа йўқ. Ирландия ҳам ўзига яраша кучли жамоа. Кечаги ўйинда улар нималарга қодирлигини, қандай потенциалга эга эканлигини кўрсатишди. Шу билан биргаликда Панама термасини ҳам ҳисобдан чиқармаслик керак. Бу ёш тоифасида ҳар қандай натижа бўлиши мумкин. Шу сабабли Ирландия термасини ҳам яхшилаб ўрганиб чиқдик. Шуни кўрдикки, уларнинг Парагвайдан кучли томонлар бўлса борки, кучсиз томонлари йўқ.

- Асилбек Алиев Парагвайга қарши ўйинда захирадан майдонга тушди. У 90 дақиқалик ўйинга тайёр эмасми?

- Бу олдиндан ўйланган режа. Асилбек Алиев орқали бунгача ҳам захирадан ўйинга қўшиб, ўйинни кучайтирамиз ва буни доимий амалга оширамиз.

- Бу турнирдаги Ўзбекистоннинг минимум вазифаси нима?

- Ҳар бир терма ўз олдига катта мақсад қўяди. Ҳозирги ҳолатда биринчи мақсад гуруҳдан чиқиш. Ундан кейин босқичма-босқич ғалабалар қозониб, энг юқори босқични қўлга киритиш.

- Ирландия тўлиқ ўрганиб бўлиндими?

- Албатта, Ирландиянинг кечаги ва ундан олдинги ўйинларини кўриб, ўрганиб чиқдик. Бугундан ушбу ўйинга тайёргарликни бошлаймиз.

Ислом Исмоилов: "Ирландиянинг Парагвайдан кучли томонлар бўлса борки, кучсиз томонлари йўқ"