Беллашувда меҳмонлар дарвозасига икки бор йўл топа олган "лочинлар" муҳим уч очкога эга чиқди. Баҳсдан сўнг "Навбаҳор" футболчиси Ислом Исоқжонов фикрларини билдириб ўтди.

"Ғалаба қозонган бўлсакда осон ўйин ўтказмадик. Ҳисобни очганимиздан сўнг бироз хотиржамликка берилдик. Муҳими ғалаба ва уч очко. Суперлигада ҳар бир қўлга киритилган очконинг қадри баланд. Албатта, авваллари стадионимиз тўлиб тошарди. Эндиликда шундай шароитга кўникишдан бошқа чорамиз йўқ. Мухлисларнинг йўқлиги сезилди. Хозирда ҳамма жамоаларнинг ҳолати тенглашган. Бундан фойдаланиб қолишимиз керак. Вазиятдан келиб чиқиб янада кучлироқ ва ишончлироқ тўп тепишимиз лозим.

Олдимизга ОЧЛга йўлланмани қўлга киритиш вазифаси қўйилган. Бунинг учун ҳар бир учрашувда жамоа бўлиб бир ёқадан бош чиқаришимиз талаб этилади. Жамоамизда барчаси жойида ва режадагидек кетмоқда. Аммо, бу хотиржамликка бериламиз дегани эмас. Ҳозирги ҳаракатларимиз совринли ўринларга эга чиқишимиз учун камлик қилади",- дейди Ислом Исоқжонов.

Ислом Исоқжонов: "Совринли ўринлар учун ҳозирги ҳаракатларимиз камлик қилади"