Шу куни "темирйўлчилар" сафида энг яхшилардан бири бўлган Ислом Тўхтахўжаев "СА"нинг 1-тур рамзий терма жамоасидан ҳам ўрин олди. Шу боис Тўхтахўжаевни суҳбатга чорладик.

- Аввало "Навбаҳор" билан ўтган учрашув ҳақида тўхталадиган бўлсам, шу куни майдоннинг холати мухлислани чиройли футбол билан хурсанд этишга йўл қўймасди. Шунинг учун жамоамиз натижа учун курашди. Чемпионатнинг илк ўйини ҳам осон кечмайди. Боз устига водийда мухлислар билан тўлиб-тошган стадионда ўйнаш ҳам осон эмас. Шундай экан бу ўйинда муҳими уч очкони қўлга киритиш эди.

- "Навбаҳор" ҳам чакки кўринмади. Бу йил жамоа ўз таркибига бир қатор маҳоратли ўйинчиларни жалб этган. Шу сабабли уларнинг ўйини менга ёқди. Бу жамоа чемпионатда юқори ўринларга давогарлик қилса ажаб эмас.

- 1-турда жамоам сафарда ғалаба қозонди. Шундай экан ўзимнинг ҳам кўрсатган ўйинимдан кўнглим тўлди (кулиб).

- "СА"нинг рамзий терма жамоани тузганидан очиғи хабарим йўқ. Янги лойиха бўлгани учун бу ҳақда ўйиндан олдин ўйламагадим ҳам. Лекин ундан ўрин олганимдан хурсандман.

Исломбек Рустамбеков суҳбатлашди.

Ислом Тўхтахўжаев: "1-тур рамзий терма жамоасидан ўрин оламан деб ўйламагандим"