Ҳеч ким касал бўлишни ва шифохонада ётишни ёқтирмайди. Бу болалар учун катта стресс. Аммо Испанияда касал болаларни бироз бахтлироқ қилиш йўлини ўйлаб топишди.

Panenka футбол журнали ва We are Xuxa креатив агентлиги юлдуз ўйинчиларнинг футболкаларидан халат ясашди.

Акциянинг номи Strongest - "Энг кучли". Шифохонадаги болалар энг жиддий ва энг қийин рақиб - касаллик билан курашишади. Аммо севимли ўйинчисининг футболкасини кийган болаларга касалликни енгиб ўтиш осонроқ ва бу шунчаки сўзлар эмас.

"Рухий ҳолат боланинг ривожланишига ёрдам беради. Қувонч берувчи халат стрессни камайтириши мумкин ва болакай шифохонани тезроқ тарк этади. Кайфиятни кўтариб, иммун тизимини тезроқ тикланишига ёрдам берамиз" - дейди шифокор.

Испаниядагилар оддий футболка ёрдамида болаларга касалликни енгиб ўтишга ёрдам беришмоқчи.

Испанияда касал болаларга машҳур клублар футболкаларидан халатлар тайёрланмоқда