Осиёга саёҳат қилган Амат бувиси нафақат индонезиялик, балки қироллик оиласининг аъзоси эканлигини ҳам билиб олди. Натижада Амат Индонезия оролларидан бири бўлган Сиау қироллигининг шаҳзодасига айланди.

Mozzart Sport нашри хабарига кўра, Хорди Амат рицар унвонига сазовор бўлган ва Сиау шаҳзодасига айланган. Энди унинг тўлиқ исми шундай аталади - Олий Ҳазрати шаҳзода Хорди Амат Маас.

Эслатиб ўтамиз, ўтган йил охирида 30 ёшли футболчи Индонезия терма жамоасида дебют қилганди.

Хорди Амат Европадаги фаолияти давомида "Эспаньол", "Райо Вальекано", "Суонси", "Бетис" ва "Эйпен" клублари шарафини ҳимоя қилган.

Испаниялик футболчи Осиёда шаҳзодага айланди