"Ўйин томошабоп ўтди, мухлисларни сўнгги сонияларга қадар ҳаяжонда ушлаб турди. Виталий Левченко бошчилигидаги мураббийлар штабимизга раҳмат айтаман. Кейинги босқичга чиққанимиздан хурсандман. "Локомотив" ҳам яхши жамоа, аммо бу футбол. Биз бугун иккинчи рақамда ўйнадик ва барчаси режамиз бўйича кечди.

Нима учун иккинчи рақамда ўйнадик? Сабаби биз сафарда ўйнадик, бундан ташқари "Локомотив"да тажриба ҳам катта. Агар ғалаба қозонган бўлсак, демак қароримиз тўғри бўлди.

Рақибга ўз ўйинини кўрсатишга йўл қўймадик. Бунда ўз футболчиларимнинг ҳам ҳиссаси катта бўлди.

Саудия Арабистонида нима учун ғалаба қозонмайлик? Ҳозир барча футбол ўйнашни ўрганиб олган. Шу боис бир ҳафтадан кейин ҳам "Ал Аҳли"ни мағлуб этишга ҳаракат қиламиз", - дейди Мубин Эргашев.

"Локомотив" яхши жамоа эканлигини, тўпни назорат қила олишларини билардик. Мухлисларимизга катта раҳмат айтаман", - дейди Алишер Жалилов.

"Истиқлол" бош мураббийи: "Локомотив" ҳам яхши жамоа, аммо бу футбол"