Янги мавсумни “Динамо” учун омадли бошланди дейиш қийин. Клуб Ўзбекистон Кубоги доирасида нимчорак финалга чиққан бўлсада, Про-Лиганинг дастлабки икки баҳсида очко йўқотди. Жумладан, 1-турда “Норин” билан сафарда нурсиз дуранг қайд этган бўлса, 2-турда дам олди, 3-турда эса “Машъал” билан ўйинда мағлуб бўлди.

4-турдаги ғалаба “Динамо” учун жуда зарур. Ўз олдига Суперлигага чиқиш вазифасини қўйган жамоа бу сафар 3 очкони қўлга киритиши шарт.

Ўйин вақти нега кўчирилди?

Про-Лига 4-тури доирасидаги “Истиқлол” – “Динамо” учрашуви ўйин вақти соат 16:00га кўчирилди. Ўйин белгиланганидек Фарғонадаги “Истиқлол” марказий стадионида эмас, Қиргули майдонида ўтказилади.

Бунга сабаб “Истиқлол” стадионида Суперлига доирасидаги “Нефтчи” – “Металлург” баҳсининг соат 18:00 бошланишидир.

Про-Лига. 4-тур.
24 апрель (сешанба)
“ИСТИҚЛОЛ” – “ДИНАМО”
Стадион: Фарғона, Қиргули.
Ўйин бошланиш вақти: 16:00

Таркибда қандай ўзгаришлар бор?

“Машъал” билан баҳсда жароҳати боис клубнинг етакчилари Илҳом Юнусов ва Акмал Бозоровлар майдонга туша олишмаганди. Бу сафар ҳам ушбу футболчиларнинг майдонга тушиши сўроқ остида. Қолаверса, “Машъал” билан баҳсда жароҳат олган асосий ҳимоячи Виктор Григорьев ҳам таркибда йўқ.

Учрашувни ким бошқаради?

Фарғонадаги ўйинни Азиз Асимов бошчилигидаги ҳакамлар бригадаси бошқариб боради. Ўйин назоратчиси Александр Попов, комиссарлик иши эса Бахтиёр Намозовга топширилган.

Рақиб жамоа ҳақида

«Динамо» жамоасининг бугунги рақиби “Истиқлол” клуби ўтган турда “Норин” жамоасини сафарда мағлуб этишга эришди.

Шу куни жамоа қуйдаги таркибда майдонга тушди:

«Истиқлол»: Элдор Исабоев, Азиз Мадалиев, Иқбол Бобохонов, Жасур Ёрмаматов, Абдухолиқ Қурбонов, Шердор Тўхтасинов (Камрон Мамасолиев, 84), Риза Айвазов (Темур Толипов, 70), Элёр Акбаров (Жаҳонгир Дадабоев, 84), Рустам Абдуҳамидов (Сардор Теляков, 89), Санжар Асқаралиев, Қаҳрамон Маҳамаджонов.

“Истиқлол”нинг Про-Лигадаги натижалари:
1-тур: Орол – Истиқлол – 1:4
2-тур: Истиқлол – Андижон – 0:4
3-тур: Норин – Истиқлол – 0:1
4-тур: Истиқлол - Динамо

“Динамо”нинг Про-Лигадаги натижалари:
1-тур: Норин – Динамо – 0:0
2-тур: дам олди
3-тур: Динамо – Машъал – 0:1
4-тур: Истиқлол – Динамо

“Истиқлол” - “Динамо”. ПРЕВЬЮ