Италия терма жамоаси ярим ҳимоячиси Брайан Кристанте Европа чемпионати 1/8 финали доирасидаги Швейцария терма жамоасига қарши ўйин натижаси (0:2) ҳақида фикр билдирди.

"Биз бу ўйин орқали кўп нарса қила олмаймиз. Швейцария жисмоний тарафдан ва ўйинни бошқариш бўйича устунлик қилди. Хулоса чиқаришга ҳали эрта, лекин биз ҳақли равишда уйга қайтдик. Энди кейинги мавсумни янгидан, бошқа даражадаги қатъият ва куч билан бошлаш вақти келди.
Ташкилотчилик ва ўйин услубидаги бундай фарқни кўрсангиз, бу нафақат жисмоний, балки руҳий қувватни ҳам олиб қўяди. Айтганимдек, биз уйга қайтишга лойиқмиз. Ният бутунлай бошқача эди, аммо тўпни жуда яхши бошқарадиган жамоага қарши ҳеч нарса қила олмадик", – деди футболчи.

Италия терма жамоаси хавбеки: "Биз ҳақли равишда уйга йўл олдик"