Бундан “оқ бўрилар” ишқибозлари ҳам жонланиб қолишди. Шундан “Бунёдкор”га қарши ўйинда стадионга мухлислар ташрифи кўпайди.

Бу ўйинда “Қалдирғоч”ларга ҳам очко жуда зарур эди. Лекин бунинг учун “Шўртан”ни таслим этишлари талаб этиларди. Бироқ ўз майдонларида ҳар қандай рақибни қийин аҳволга солиб қўядиган ғузорликларга “Бунёдкор” етарлича ташвиш туғдира олди. Умуман олганда, ўйин икки жамоа учун ҳам осон кечгани йўқ. Жамоалар жангавор дурангга рози бўлишди. Учрашув якунидан кейин “Шуртан” жамоаси бошлиғи Ихтиёр Каримов билан қисқача суҳбат қурдик.

– “Шўртан”да ички муҳит қандай?

– Кўриб турганингиздек, ажойиб, кўз тегмасин, футболчилар бир оиладек, иноқ.

– Иккинчи даврада голкипер Темур Жўраев жамоани нега тарк этди?

– Жўраевнинг соғлиғи юзасидан муаммоси бор эди ва оилавий шароитлари инобатга олиниб, ўзаро келишилган ҳолда ўзаро тузилган шартномани бекор қилдик.

– Қаршилик ҳужумчи Ботир Қодирқулов жароҳатдан бутунлай фориғ бўлдими?

– Ботирнинг оёғида жиддий жароҳати бор эди, афсуски биринчи қилинган жарроҳлик амалиёти самарали чиқмади яқинда яна Қаршида қайта жарроҳлик столига ётқизилди.

– Жамол Отақулов яна “Шўртан”га қайтдими?

– Биринчи давра якунлангандан сўнг Отақуловни ижарага қўйгандик , бошқа клублардан таклиф бўлмаганлиги учун, иккинчи даврадан яна клуб ихтиёрига қайтди. Раҳбарият футболчига имконият эшигини очиб берди, айни пайтда Отақулов даволанишда. Ўйлайманки иқтидорли ҳимоячи асосий таркибда ўйнаб, олдинги барқарор ўйинларини намойиш этади.

Фахриддин ЧОРИЕВ суҳбатлашди.

Ихтиёр Каримов: “Шўртан”да ички муҳит ажойиб"