Учрашув якунига етгач, асли “Навбаҳор” футбол клуби тарбияланувчиси бўлган Меҳмоновнинг ўйин ҳақидаги фикрлари билан қизиқдик:

- Бугун мухлислар яхши ўйинни гувоҳига айланишди. Гарчи ғалаба қозонган бўлсакда, тўп суриш осон бўлгани йўқ. “Дерби” ўз номига монанд равишда ўтди. Бу каби қарама-қаршиликларда ҳеч кимга осон бўлмаслиги кўп бор кузатилган. Бугунги учрашув ҳам бундан мустасно бўлмади. “Навбаҳор” футболчилари ҳам мағлубиятга учрашган бўлсада, майдонда муносиб тарзда ҳаракат қилишди. Шахсан менга жамоанинг ўйини ёқди. Хайрулла Каримов бошчилигида яхшигина таркибни шаклланганлигига гувоҳ бўлдик. Дастлабки турда “Бунёдкор”га имкониятни бой берганимиздан кейин мухлислар олдида юзимизни ёруғ бўлиши учун ҳам “дерби”да ғалабани қўлга киритмасак бўлмасди. Шу сабабли майдонга фақат ғалабани кўзлаган ҳолда тушгандик. Якунда олдимизга қўйилган вазифани бажарганимиздан хурсандман, - дейди Меҳмонов.

"Навбаҳор" матбуот хизмати

Жаҳонгир Меҳмонов: “Дербида ғалаба қозонмасак бўлмасди”