Биз машғулотлар пайтида астойдил ишлаётган ҳимоячи Жалил Кимсановни суҳбатга тортдик.

- Жалил аввало сизни «Насаф» дарвозасига урган голингиз билан табриклаймиз. Бу сизни чемпионатдаги дастлабки голингиз эди.
- Ҳа бу йил ҳисобидан энди гол урдим. Мухлисларга озгина бўлса ҳам қувонч улашганимдан хурсандман. Мухлисларимиз шундай қўллаб туришса Андижонда ҳам гол уришга ҳаракат қиламан.

- Сиз аслида ҳимоя чизиғи вакилисиз...
- Тўғри мен ҳимоячиман, лекин ҳозирги замонавий футболда ҳамма бир тану бир жон бўлиб майдонда харакат қилсагина натижага эришиш мумкин. Айниқса биз қанот ҳимоячиларга мураббийимиз томонидан ҳужумни қўллаб қувватлаш вазифаси берилади. Стандарт вазиятларда эса марказий ҳимоячиларимиз ҳам ҳужумга ўтишади. Лозим бўлган вақтларда ҳимояда ҳужумчиларимиз ҳам ердам беришади.

- Жамоанинг ўйинлари анча мазмун касб этмоқда. Лекин мухлисларга натижа керак. Нима деб ўйлайсиз сизларга нима етишмаяпти?
- Ҳа мавсум бошидаги ўйинларимизга нисбатан жамоадошларим билан бир-биримизни анча яхши тушуняпмиз. Ўйинимиз анча қовушиб қолди. Манимча бизга яратилган вазиятларни голга айлантиришда бироз омад етишмаяпти. Мухлисларимизга ваъда бераман яхши натижаларга ҳам эришадиган кунларимиз яқин. Менга ўхшаган қўқонлик ўйинчилар ҳаммадан ҳам кўпроқ истаймиз ғалаб қозонишни. Биз ҳам мухлисларимизни хурсанд холда кўришни жуда хоҳлаймиз.

- Сизга навбатдаги ўйинларда омад тилайман. Суҳбатингиз учун раҳмат!

Акрамжон Мамадалиев суҳбатлашди.

Жалил Кимсанов : “Андижонда ҳам гол уришга ҳаракат қиламан”