У баҳсни асосий таркибда бошлаб, 62-дақиқада захирага олинганди.

- “Локомотив” таркибидаги илк ўйинингни қандай баҳолайсан?

- Қийин ўтди. Жамоага тўлиқ мослашиб олдим, аммо ҳали ўз формамга қайтиб олишим керак. Ўзбекистон чемпионатида танаффус бўлгани сабаб узоқ вақт ўйнай олмадим.

- Бугунги ҳаракатларингдан қониқдингми?

- Йўқ, ҳали 100 фоизга тайёр эмасман. Жисмонан юз фоизга тайёр бўлмасанг, ўзингни тўлиқ кўрсатишинг ҳам қийин кечади.

- Бугун тўлиқ ҳужум фронтида ҳаракат қилдинг. Қайси позиция қулайроқ?

- Фарқи йўқ – чапда, ўнгда ёки ҳужумчи ортида.

- Мураббий қандай кўрсатма берганди?

- Қанотларда ёрдам бериш ва иккинчи ҳужумчи сифатида ҳаракат қилишим кераклигини. Эдерга яқинроқ ўйнашни.

- Жамоа ўйинини умумий қандай баҳолайсан?

- Хулосалар чиқариш керак. Ҳар қандай мағлубият яхши эмас, боиси ҳамма ўйинлар муҳим аҳамият касб этади. Ёмон ўйнамадик, аммо ўйин унутилади, натижа эса қолади.

- Жамоага тўлиқ мослашганинг ҳақида гапирдинг. Ким сенга ёрдам берди?

- Барча йигитлар – Гилерме, Чорлука. Машғулотлардан кейин Миранчук билан қолиб жарима зарбалари устида ишлардик. Бир ойлик машғулотлар давомида ундан кўп нарсаларни ўргандим. Афсус, у жамоани тарк этди.

Жалолиддинов: “Жамоага тўлиқ мослашиб олдим, аммо …”