Дарҳақиқат, ярим ҳимоячи учун бу мавсум қандайдир ўзига ҳос қайтиш бўлди. У бутун йил давомида "Навбаҳор"ни ўз ортидан эргаштира олди. Жамоаси билан мамлакат кумуш медалларига эга чиқди, кубок финалига қадар етиб борди. Умумий қилиб айтганда биз билган Жамшид Искандеров яна аввалги формасини тиклаб олди. Тадбир якунлангач "Навбаҳор" футболчининг фикрларига қулоқ тутдик.
"Очиғи жуда ҳаяжондаман. Ёқимли соврин. Чунки бундан 8 йил олдин Ўзбекистон чемпионатининг "энг яхши футболчиси" бўлган эдим. Орадан шунча вақт ўтиб мамлакатнинг "энг яхши футболчиси", деб топилдим. Тасаввур қила олмайман. Жуда хурсандман.
Совринни кутмагандим. Лекин яхши ниятда келгандим. Худога шукур соврин насиб қилди. Фурсатдан фойдаланиб "Навбаҳор" клуби раҳбарияти, жамоадошларимга миннатдорчилик билдираман. Бизни қўллаб-қувватлаган, дуо қилиб турган мухлислар, оила аъзоларимга ҳам ташаккуримни изҳор қилмоқчиман. Футболчилар янада яхшироқ ҳаракат қилиб, ишқибозларни хурсанд қилишга интиламиз.
Терма жамоага келсак, ҳар бир футболчи буни истайди. Йил давомида ҳаракат қилдим. Тўхтамайман. Ҳозирги кунда мураббийнинг ўз услуби, танлови бор. Унга қандайдир эътирозим йўқ. Чунки мен футболчиман.
"Навбаҳор" билан шартномам якунланган. Барча билан мулоқотдамиз. Худо хоҳласа, янгиликлар бўлиб қолади",- дейди Жамшид Искандеров.
Изоҳлар