Ушбу учрашувдан кейин икки термалар мураббийлари матбуот анжуманларида иштирок этди.

Жанубий Корея бош мураббийи Хванг Сун Хонг иштирокидаги матбуот анжумани

- Нима учун Ли Кан Ин деярли марказий ҳимоячилар олдида ўйнади?

- У ярим ҳимоячи сифатида яхши ўйнай олади, шу боис бугун уни шу ерда ўйнатдим.

- Бугун жамоангизни мухлислар фаол тарзда қўллаб қувватлаб туришди. Уларга нимадир демоқчимисиз?

- Ҳа, албатта. Мухлисларимизга раҳмат айтаман. Бугун улар бизга катта ёрдам беришди. Умид қиламанки, мухлисларимизни ушбу мусобақада яна бир неча бор хурсанд қиламиз.

- Бугун жамоангиз ўйинига қандай баҳо берасиз?

- Ижобий ва салбий жиҳатлар бўлди. Ишлашда ва ривожланишда давом этишимиз керак. Аммо ўз навбатида шогирдларимни плей-офф босқичига чиққанимиз билан табриклайман.

- Нима учун жамоангиз фақат битта гол урди?

- Бу футбол. Муҳими ғалаба қозондик ва гуруҳдан чиқдик.

Таиланд термаси бош мураббийи Вуравот Сримака иштирокидаги матбуот анжумани

- Таиланд футболчилари иккинчи таймда жуда чарчаганга ўхшади. Мағлубиятнинг асосий сабаби шу бўлдими?

- Ҳа буни тан олиш керак. Бизнинг муҳим футболчиларимиз чарчаб қолишди. Бу эса натижага таъсир қилди.

- Нима учун бугун шогирдларингиз рақиб футболчиларини тўхтатиб қолишда қийналишди?

- Жанубий Кореянинг барча футболчилари юқори даражада ўйнашди. Бугун рақибга қаршилик кўрсатиш қийин кечди.

Жанубий Корея ва Таиланд термалари мураббийлари ўйиндан кейин нималар деди?