Улуғбек Бақоев шогирдлари кеча йиғин доирасидан ўрин олган галдаги ўртоқлик учрашувида иштирок этишди. "Қўқон-1912" рақиблик қилган баҳсда жиззахликлар 1:2 ҳисобида мағлуб бўлди. Ушбу учрашувдан сўнг "Сўғдиёна" ярим ҳимоячиси Жавоҳир Қаҳрамонов фикрлари билан ўртоқлашди.

"4 январь санасидан эътиборан Тошкентда машғулотларни бошладик. Ҳозирга қадар икки маҳалдан машғулотлар олиб бормоқдамиз. "Сўғдиёна" билан ўйиндан сўнг мураббийлар штаби футболчиларга 3-4 кунлик дам олиш имкониятини беришди.
Мақсадимиз турнир жадвалида яхши ўринларни эгаллаш. Медаллар учун курашмоқчимиз, десам муболаға бўлмайди.
Жамоамизга келиб қўшилган футболчилар ҳақида ижобий фикр билдиришим мумкин. Арсланмират Аманов, сербиялик ҳимоячи айни кунларда йиғинда иштирок этмоқда. Уларнинг ўйинини мавсум давомида кўрамиз. Барибир ўртоқлик ўйинларида кўп нарсани кўриб олиш қийин бўлади. Чунки, турли юкламалар тушади",- дейди Қаҳрамонов.

Жавоҳир Қаҳрамонов: "Медаллар учун курашмоқчимиз"