- Тошкент дербиси қандай ўтди?
- Ўйин қийин ўтишини барча билиб турганди. "Бунёдкор" - қийин рақиб. "Сурхон"га қарши ўйиндан кейин "Бунёдкор" билан учрашувга жиддий тайёргарлик бошланди. Мураббийлар штаби ўйин учун махсус кўрсатмалар бера бошлашди. Рақибларни пухта ўргандик. "Бунёдкор"нинг кучли ва заиф нуқталарини яхши билиб олдик. Бугун мана натижаси кўринди. Барчаси ажойиб бўлганидан хурсандман.

- 5-турга келиб, жамоа ғалабага эришди. Бу кеч эмасми?
- Ҳамма нарса тезда бўлмайди. Ундан ташқари, "Локомотив"га янги бош мураббий келди, жамоа таркибидаги кўплаб футболчилар ҳали янги. Мағлубиятлардан кейин ўз ўйинларимизни яхшилаб тахлил қилдик. Барча футболчилар мураббийнинг ўйин услубини қўллаб-қувватлади. Нима бўлган тақдирда ҳам биз мураббийимиз томонидамиз. Ғалабалар эса футболчиларга характер тақдим қилади.

- Жамоа маъмури Улуғбек Усмонхўжаевни туғилган куни билан қай тариқа табрикладингиз?
- Ғалаба билан. Эртага машғулотларда уларни "коридор"дан ўтишини кутамиз. Бу бизнинг асосий совғамиз (кулади).

Жавоҳир Сидиқов: "Бунёдкор"нинг кучли ва заиф нуқталарини яхши билардик"