Улардан бири "Пахтакор" жамоасидаги иштироки орқали мухлисларга яхши таниш Жавоҳир Соҳибовдир.

Яна бир ярим ҳимоячи Асамаз Бураев эса Россиядан таклиф этилди. 1990 йилда туғилган ярим ҳимоячи (бўйи 180 см.) ўтган мавсумни Қозоғистонда ўтказган. Толдиқўрғоннинг "Жетису" клуби сафида тўп суриб, жамоани мамлакат Премьер-лигасига йўл олишига ҳисса қўшган. Футболчи фаолиятини 2008 йили Владикавказнинг "Автодор" клубида бошлаган. Қозоғистон клубига келгунга қадар Бураев "Автодор" (Владикавказ), "Спартак" (Нальчик), "Алания" (Владикавказ), "Машук-КВМ" (Пятегорск), "Луч-Энергия" (Владивосток), "Гандзасар-Капан" (Капан), "Бананц" (Ереван), "Арвамир" (Армавир), "Алашкерт" (Мартуни) каби жамоалар шарафини ҳимоя қилган. Россиялик футболчининг хатти-ҳаракатлари мураббийларимизга манзур бўлса "Навбаҳор" аъзосига айланиши мумкин.

Жавоҳир Соҳибов ва россиялик футболчи "Навбаҳор"га келди