Зинедин Зидан бошчилигидаги юлдузли жамоа "Stade Toulousian" аренасида биринчи бўлим футбол, иккинчиси регби бўлган баҳсда иштирок этди.

Футболчилар биринчи бўлимда 6:2 ҳисобида ғалабага эришишди, иккинчи бўлим эса 15:15 ҳисоби билан якунланди.

Зинедин Зидан бошчилигидаги ЖЧ-1998 ғолиблари хайрия учрашувида қатнашишди

Футболчилар иккинчи бўлимда регби ўйнашга ҳам улгуришди

Футбол баҳси 6:2 ҳисобида, регби бўлими эса 15:15 ҳисобида якун топди

Франциялик мутахассис Зинедин Зидан ўз ватанида бор-йўғи 18 соат бўлди. Кейин у "Реал" сафига қайтиб кетди.

Айни дамда мураббий "Реал" учун мавсумолди йиғин ўтказиш билан банд. "Қироллик клуби" кеча Тео Эрнандес билан шартнома тузди, ярим ҳимоячи Хамес Родригес эса икки йил ижара асосида "Бавария" шарафини ҳимоя қилади.

Зидан Мадрид жамоаси таркибига тез қайтганининг сабаби - жамоа АҚШда бўлиб ўтадиган турнега жўнаб кетиши керак эди.

Машҳур собиқ дарвозабон Фабьен Бартез ҳам хайрия баҳсида иштирок этди

Футболчилар таркибида Дидье Дешам, Биксент Лизаразу, Фабьен Бартез каби жаҳон чемпионлари тўп тепди.

Учрашувни томоша қилиш учун стадионга деярли 20 000 мухлис ташриф буюрди.

"Умид учун табассум" хайрия фондига 310 000 минг фунт ушбу баҳсдан йиғилди. Фондни "Марсель" собиқ дарвозабони Паскаль Олмета бошқаради.

Франция терма жамоаси бош мураббийи Дидье Дешам пас бериш учун жамоадошини изламоқда

Биксент Лизаразу ва бошқа футболчилар туфайли фондга 300 000 фунтдан ортиқ маблағ хайрия қилинди

ЖЧ-1998 ғолиблари хайрия учрашувида иштирок этишди (фото)