Пиреней ярим оролида жойлашган икки жамоа мундиалда иккинчи бора ўзаро ўйин ўтказишади. Илк бор Испания ва Португалия ЖАРда ўтган ЖЧ-2010 нимчорак финалида учрашишган ва "қизил фурия" (1:0) ғолиб бўлган.

Барча мусобақаларни инобатга олсак ушбу жамоалар ўзаро 35 марта ҳисоб-китоб қилишган. 16 бор Испания, 6 марта Портуалия ғолиб бўлган. Мундиал бошланишига бир кун қолганида Испания бош мураббийи Хулен Лопетеги истеъфога чиқарилди ва унинг ўрнига Фернандо Йерро тайнланди.

Европанинг амалдаги чемпионлари ва Криштиану Роналду Жаҳоннинг энг нуфузли мусобақасида ғолиб чиқишни мақсад қилишган.

Испания терма жамоаси сафида ҳимоячи Дани Карвахалнинг майдонга тушиши сўроқ остида.

Бу қизиқ
Испания терма жамоаси Жаҳон чемпионатларида фақат бир бор ўйинни камчиликда тугатган: 1994 йилги мундиалда Мигель Анхель Надаль Кореяга қарши ўйиннинг 25-дақиқасида (2:2) қизил карточка олганди.

Тахминий таркиблар
Португалия: Руй Патрисиу, Рафаэл Геррейру, Жозе Фонте, Пепе, Седрик Соареш, Жуан Мариу, Жоау Моутинью, Вильям Карвалью, Бернарду Силва, Криштиану Роналду, Гонсалу Гедеш

Испания: Давид де Хеа, Жорди Альба, Серхио Рамос, Жерар Пике, Начо, Серхио Бускетс, Тиаго Алькантара, Андрес Иньеста, Иско, Давид Сильва, Диего Коста

Мураббийлар нима дейди?

Фернанду Сантуш (Португалия):

"Криштиану Роналду – ажойиб футболчи ва қойилмақом сардор, аммо Португалиянинг асосий кучи бир футболчига таяниб қолганимизда эмас, бир жамоа эканлигимизда. Испанияга келсак мураббий ўзгариши жамоани кучсизлантириб қўяди деб ўйламайман. Испания – Жаҳон чемпионатнинг фаворитларидан бири, аммо уларда ҳам кучсиз томонлари бор. Қандай? Сирларни ошкор қилмоқчи эмасман".

Фернандо Йерро (Испания):

"Рақибни ҳурмат қиламиз. Португалия мундиалда энг кучли таркибга ва тажрибали мураббийга эга жамоалардан бири. Аммо ғалаба қозонишимизга ишонамиз. Финалга тенг бўлган ўйинда иштирок этамиз. Унда барча исталган мусобақада ғолиб бўлиш учун курашадиган Испания терма жамоасини кўради".

Стадион ҳақида:

“Фишт” стадиони ҳақида нималарни билишимиз керак?

ЖЧ-2018. Португалия терма жамоасининг расмий қайдномаси

ЖЧ-2018. Испания терма жамоасининг расмий қайдномаси

ЖЧ-2018. Португалия - Испания. Превью