Қуръага нечи нафар мураббий келади? Шоуда қанча артистлар иштирок этишади? Маросим қанча давом этади? FIFA.com бу саволларга жавоб беради ва қуръа жараёнининг барча рақамларини тақдим этади.

1 соат – Москвадаги қуръа маросими тахминан шунча давом этади. Тадбирда фақат қуръа ташланмайди, балки мусобақа мезбон давлати ҳақида маълумот ҳам берилади – бизни ажойиб шоу кутмоқда.

8 та гуруҳ пайдо бўлади. Ҳар бир гуруҳда 4тадан жамоа бўлади ва дастлабки 2 ўринни олган жамоалар 1/8 финалга чиқади. Мусобақа 14 июндан 15 июлга қадар Россиянинг 11та шаҳрида бўлиб ўтади. Жами 64 та ўйин ўтказилади.

10 футбол афсоналари қуръа жараёнида иштирок этишади. ЖЧ-2014 чемпиони Мирослав Клозе кубокни саҳнага олиб чиқади. Англия терма жамоаси собиқ ҳужумчиси Гари Линекер қуръани ўтказади, 8 машҳур футболчилар эса ёрдамчи бўлишади: Лоран Блан, Гордон Бэнкс, Кафу, Фабио Каннаваро, Диего Форлан, Диего Марадона, Карлес Пуйоль ва Никита Симонян.

10 тонна темир қуръа бўлиб ўтадиган жойни тайёрлаш учун сарфланди. Улардан 2,5 тоннаси саҳнани қуриш учун кетди, 1 тонна – подиум учун ва 6 тонна – экранларга.

18 нафар профессионал таржимонлар қуръада ишлашашди: улар дунёнинг бешта тили: инглиз, немис, испан, француз ва рус тилларига таржима қилишади.

30 нафар мураббий қуръага келади. 2018 йилги мундиалга чиққан фақат икки терма жамоанинг устозлари қуръада қатнашишмайди. Булар Австралия ва Уругвай.

162 та контейнер қуръа вақтида чиқиндиларни ташлаш учун ишлатилади.

210 нафар артист қуръа маросимидаги шоуда иштирок этади.

465 нафар волонтер (кўнгилли) Москвадаги қуръа жараёнида фаолият олиб боради.

1400 нафар меҳмон қуръага келиши кутилмоқда. Улардан 260 нафари ЖЧ-2018га чиққан терма жамоа делегацияси аъзолари ҳисобланади.

1500 нафар журналистлар қуръани ёритиш учун аккредитациядан ўтказилган. Улардан 528 нафари ёзувчи журналистлар. 117 канал қуръани намойиш этади, уни дунёнинг 200дан ортиқ мамлакатида томоша қилишади.

3960 квадрат метр. Москвадаги Қремль саройида қуръа ўтказиладиган жойнинг умумий майдони. Бу эса 6000 томошабинни ўз бағрига сиғдира олади.

ЖЧ-2018 қуръаси рақамларда