Жаҳон Чемпионати гуруҳ босқичининг 4та ўйини“Волгоград Арена”да бўлиб ўтади
Шу ҳафта Россия Кубогининг финал учрашуви айнан шу стадионда бўлиб ўтди
Арена машҳур “Мамаев Курган” мемориал комплекси яқинида жойлашган

Ўйинлар
“Волгоград Арена”да Чемпионат гуруҳ босқичининг 4та ўйини бўлиб ўтади. Улар орасида 18 июнь куни Англия ва Тунис терма жамоалари ўртасидаги беллашувни алоҳида қайд этиб ўтиш мумкин. Таркиб жиҳатдан кўпинча кучлилар қаторида бўлсада, ижобий натижаларга эриша олмаётган инглизлар турнирни қандай бошлашлари муҳим албатта.

Стадион имкониятлари
Айнан ЖЧ-2018 учун махсус қурилган “Волгоград Арена” ўз бағрига 45 000 томошабинни сиғдира олади.

Жойлашган ўрни
Жаҳон Чемпионати учун махсус қурилган янги арена аввалги “Марказий” стадиони ўрнида, “Мамаев Курган” мемориал мажмуаси яқинида қад ростлаган.

Биласизми?
“Волгоград Арена” стадиони ўзига хос дизайнга эга. У велосипед ғилдиракларини эслатувчи шаклда барпо қилингани киши эътиборини тортмай илож йўқ.

Дастлабки ўйинлар
Янги барпо этилган “Волгоград Арена”да апрел-май ойларида дастлабки ўйинлар бўлиб ўтди. 21 апрель куни “Ротор-Волгоград” клуби Владивостокнинг “Луч-Энергия”сини ва 2 майда Самаранинг “Крылья Советов” жамоаларини қабул қилди. 9 май санасида эса ушбу стадионда айтиб ўтганимиздек Россия Кубоги финали бўлиб ўтди.

Мерос
Жаҳон Чемпионати-2018дан сўнг, ушбу стадион “Ротор-Волгоград” клубининг асосий аренаси бўлиб хизмат қилади. Бундан ташқари, “Волгоград Арена”дан турли маҳаллий тадбирларни ўтказишда ҳам фойдаланилади.

Нозима Зарипова таржима қилди

ЖЧ-2018 стадионлари. “Волгоград Арена» ҳақида нималарни билишимиз керак?