Сурия терма жамоаси бош мураббийи Набил Маълул ОФК сайтига берган интервьюсида жамоаси кузги ўйинларга яхши тайёргарлик кўриши ҳақида гапирди. Маълумки, сурияликлар "A" гуруҳида 5та ўйиндан сўнг 15 очко билан биринчи ўринда боришяпти. Иккинчи ўриндаги Хитой ҳисобида 7 очко бор.

"Янги тақвимни кўриб хурсанд бўлдик. Барибир қачондир бу ўйинларни ҳам ўтказишимиз керак, - дейди Сурия терма жамоаси бош мураббийи. - Биз учун вақт етарли. Расмий баҳсларгача йиғин ва ўртоқлик учрашувлари ўтказамиз. Жамоа октябрга қадар яхши тайёргарликка эга бўлади деб умид қиламан".

Маълумот учун, 57 ёшли тунислик мураббий Сурия билан 2022 йилнинг март ойига қадар келишган. Албатта, унинг шартномасини узайтириш масаласи Суриянинг ЖЧ саралаш босқичидаги иштирокидан келиб чиқиб ҳал қилинади.

ЖЧ-2022 саралаш. Сурия бош мураббийи жамоа кейинги ўйинларга тайёр бўлишини айтмоқда