"А" гуруҳига мезбонлик қилаётган Қатар БААга қарши баҳс олиб боради. Ушбу учрашувда БАА терма жамоаси мағлуб бўлмаган тақдирда, келаси йили ёзда бўлиб ўтадиган ЖЧ йўлланмасини қўлга киритади. Қатарликлар учун эса фақатгина ғалаба зарур. Учрашув 22:00 да старт олади.

Айни вақтда ушбу гуруҳда БАА 3 очко билан турнир жадвалини бошқариб бормоқда. Қатар ва Ўмон ҳисобида 1 тадан очко бор.

"Б" гуруҳининг якунловчи турида эса Саудия Арабистони Ироққа қарши майдонга тушади. Ушбу баҳсдаги дуранг натижаси саудияликларни ЖЧга олиб чиқса, Ироқнинг ЖЧ йўлланмасини қўлга киритиши учун фақатгина ғалаба зарур. Ушбу баҳс 23:45 да старт олади.

Турнир жадвалида айни вақтда Саудия Арабистони ва Ироқда 3 тадан очко бор.

ЖЧ-2026 саралаш. Бугун Осиёда иккита даҳшат ўйин бор