"Жар" стадионида ўтган машғулотда Сречко Катанец томонидан йиғинга чақирув олган 26 нафар футболчидан 22 нафари иштирок этди.

Бугунги машғулотда турли сабабларга кўра қуйидаги футболчилар қатнашишмади: Умар Эшмуродов ("Насаф"), Жалолиддин Машарипов ("Пансеррайкос", Греция), Рустам Ашурматов ("Рубин", Россия), Абдуқодир Ҳусанов ("Ланс", Франция).

Остон Ўрунов, Шерзод Насруллаев ва Алибек Давронов куни кеча ўз клуби сафида майдонга тушишгани учун енгил тикланиш машғулотларини ўтказишди.

Маълумотларга кўра, Ўзбекистон терма жамоаси 14 ноябрь куни ҳам Тошкентда машғулот ўтказади ва 15 ноябрь куни чартер рейс билан Туркманистонга жўнаб кетади. ЖЧ-2026 саралаши доирасидаги Туркманистон - Ўзбекистон учрашуви 16 ноябрь куни бўлиб ўтади.

Ноябрь ойидаги йиғинга чақирув олган футболчиларнинг тўлиқ рўйхати:

Дарвозабонлар — Абдувоҳид Неъматов ("Насаф"), Ботирали Эргашев (ОКМК), Ўткир Юсупов ("Навбаҳор"), Валижон Раҳимов (ОКМК)

Ҳимоячилар — Рустам Ашурматов ("Рубин", Россия), Фарруҳ Сайфиев ("Пахтакор"), Ҳусниддин Алиқулов ("Ризеспор", Туркия), Ҳожиакбар Алижонов ("Пахтакор"), Умар Эшмуродов ("Насаф"), Абдулла Абдуллаев ("Хор Факкан", БАА), Шерзод Насруллаев ("Насаф"), Абдуқодир Ҳусанов ("Ланс", Франция), Алибек Давронов ("Насаф").

Ярим ҳимоячилар — Одил Ҳамробеков ("Пахтакор"), Азиз Ғаниев ("Шабаб Ал Аҳли", БАА), Отабек Шукуров ("Фотиҳ Карагюмрук", Туркия), Азиз Турғунбоев ("Пахтакор"), Аббос Файзуллаев (ЦСКА, Россия), Жамшид Искандеров ("Навбаҳор"), Жалолиддин Машарипов ("Пансерраикос", Греция), Остон Ўрунов ("Навбаҳор"), Ҳожимат Эркинов ("Пахтакор").

Ҳужумчилар — Элдор Шомуродов ("Кальяри", Италия), Игорь Сергеев ("Патум Юнайтед", Таиланд), Бобир Абдихолиқов ("Ордабаси", Қозоғистон), Жасур Яхшибоев ("Навбаҳор").

Ўзбекистон МТЖнинг бугунги машғулотидан суратларни сайтимизнинг махсус бўлими орқали томоша қилишингиз мумкин >>>>> ФОТОГАЛЕРЕЯ

Суратлар муаллифи: Толибжон Қосимов

ЖЧ-2026 сари узоқ йўл бошланмоқда. Ўзбекистон МТЖ Тошкентда йиғинга киришди