Бунда саудияликлар рақибни 3:0 ҳисобида мағлуб этишди. Биринчи давра ўйинида 2:2 натижаси қайд этилганди. Навбатдаги баҳсда эса Саудия терма жамоасининг рақибдан анча кучли экани шундоқ кўринди. Шунга қарамай, терма жамоа бош мураббийи футболчиларни ҳаволаниб кетмасликка чақирди.

"Чиройли ўйин ва чиройли ғалаба бўлди. Ҳаммамиз якуний натижа ва уч очко қўлга киритилганидан хурсандмиз. Ҳисоб 3:0 бўлгач, иккинчи таймда ҳам шогирдларимдан гол кутгандим. Лекин ҳавонинг ўта иссиқлиги ва димлиги ўзимизни тўлиқ кўрсатиш имкони бермади. Муҳими эса ғалаба қозондик".

"Жаҳон чемпионати ҳақида гапиришга ҳали эрта. Мен бу гапни кўп айтяпман. Биз ўйиндан ўйинга кучайишда давом этамиз. Мен шогирдларимга тўлиқ ишонаман, бизда ҳам тажрибали футболчилар, ҳам иштиёққа тўла ёшлар бор. Терма жамоа футболчилари 3:0дан ҳаволаниб кетмасликлари керак, ҳали ҳаммаси олдинда", - дейди франциялик мураббий.

ЖЧ саралашдаги рақибимиз. Саудия Арабистони бош мураббийи футболчиларни хотиржам бўлишга чақирди