Босния ва Герцеговина терма жамоаси ҳужумчиси Европанинг энг кўп гол урган Топ-10 рўйхатидан ўрин олди.

“Рома” футболчиси Миллатлар Лигасида Шимолий Ирландияга қарши ўйинда дублга эришди. Шу тариқа унинг терма жамоасида урган голллари сони 55 тага етди. У бундай натижага 97 та учрашувда эришди. Ҳозирда Жеко 10-ўринни Роберт Левандовски (Польша) ва Ян Коллер (Чехия) билан бўлишиб турибди.

8-ўриндаги Имре Шлоссер (Венгрия) ва Давид Вилья (Испания) 59 тадан гол уришган.

Рўйхатни 85 та гол билан Португалия терма жамоаси ҳужумчиси Криштиану Роналду бошқариб турибди.

Жеко Европанинг энг кучли тўпурарлари қаторидан жой олди