"Рома" ҳафта бошида 26 ёшли Шомуродовни 17,5 миллион еврога харид қилганини эълон қилди. Рим клуби шунингдек кейинги сотувдан "Женоа" улуш олишини хабар қилди.

"Трансфер бўйича келишувга ўтган ҳафтадаёқ эришилганди. Ижара ва кейинчалик харид қилиш асосий вариант эди. Ўйинчини ижарага олишлари, "Рома" таркибидаги илк расмий ўйинидан сўнг тўлиқ ўйинчини харид қилиш амалга ошиши керак эди. Аммо, якунда тўлиқ трансфер ва кейинги трансфердан 20% атрофидаги бонусга тўхталишди", - дейди вазиятдан хабардор манба.

"Рома"даги суҳбатдошнинг қўшимча қилишича, шунингдек генуяликлар учун Шомуродовнинг "бўрилар" таркибидаги иштироки билан бонуслар ҳам кўзда тутилган.

"Шартномада бонуслар зинапояси кўрсатилган - 5 йил давомида клуб таркибидаги 15, 30 ва 45та ўйин учун. Умуман олганда, "Женоа" ўйинчининг иштироки орқали яна 2 млн евро атрофида олиши мумкин", - дейди у.

"Женоа" Шомуродовнинг кейинги сотувидан 20% улуш олади