Тошкентда ўтган баҳсда Жиззахнинг "Сўғдиёна" клуби қизлари олдинги мавсум чемпиони — "Бунёдкор-W"дан минимал ҳисобда устун келди. Учрашувдан кейин "бўрилар" етакчиси Диёрахон Ҳабибуллаеванинг фикрларига қулоқ тутдик.

— Ўйин ҳақидаги фикрингиз?

— Ўйин жуда машаққатли ўтди. Йил давомида қилган меҳнатларимиз бугун мевасини берди. Қизларнинг юрагида шу пайтгача нимадир бор эди, шу нарсани чиқариб юбордик. Бошқа ўйинларга қараганда бугун қизларнинг ўзига ишончи камроқ эди. Лекин бугун ҳамма ўзини кўрсатди.

— "Сўғдиёна" ниманинг эвазига ғалаба қозонди?

— Биз ҳар сафар яхши ўйнашга ҳаракат қиламиз. Бугун ҳам жамоа билан муносиб ўйин кўрсатдик, деб ўйлайман. Кубокни қўлга киритиш иштиёқи кўпроқ бўлгани учун ҳам ютиб кетдик.

— Келажак режалар қандай?

— Мана, Осиё чемпионатига йўлламмани ҳам қўлга киритдик. Бу йил "Сўғдиёна" клуби шарафини ҳимоя қилган бўлсак, келаси йил Ўзбекистон номидан майдонга тушамиз. Насиб қилса, яхши натижага эришиш учун бор кучимиз билан ҳаракат қиламиз.

— Жамоангиз бугунги ғалабани ноодатий услубда нишонлади. Буни 18-ноябрь куни Жиззахда "Бунёдкор"нинг фойдасига ҳал бўлган ўйинда рақиб вакиласи Азиза Норбоева ижросида кўрган эдик...

— Ҳа, бугун ўша ўйин учун жавоб қайтардик.

М. Кушбакова суҳбатлашди

Финал қандай ўтди?

"Жиззахдаги ўйин учун жавоб қайтардик" — Диёрахон Ҳабибуллаева