- "Манчестер Юнайтед" охирги 7та ўйиндан фақатгина биттасида мағлубиятга учради. Тўрт маротаба 1:0 ҳисобида ютқазгандан кўра бир марта 4:0га мағлуб бўлган афзал.
Чунки бу ҳолатда сиз 12 очкони бой берасиз. Иккинчи ҳолатда эса фақатгина 3 очкодан қуруқ қоласиз. Бу эса жуда ёмон эмас.

"Сток Сити" билан бўлган ўйинни олайлик, ҳа биз ўшанда дуранг ўйнадик. Аммо ўйин жиҳатидан сўнгги пайтлардаги энг яхши футболимизни кўрсатдик. Бир қанча вазиятлар яратдик. Биз ўша баҳсда осонлик билан 4-5та гол уришимиз ҳам мумкин эди.

Жамоамиз қайтадан оёққа туриш жараёнини бошдан ўтказмоқда. Тўғри тушунинглар, битта трансфер бозори орқали бутун муаммони ечимини топиш мушкул. Ёки 3-4 ой ичида муаммо ҳал этилиб қолмайди.
Ҳозир бизнинг диққат-эътиборимиз "Бёрнли"га қарши бўлажак ўйинга қаратилган. Бу тўқнашув биз учун осон ўтмаслиги аниқ.

Мхитарян? Баъзи футболчилар янги жамоа, муҳитга тезда киришиб кетишади. Аммо Генрих бу тоифадаги футболчи эмас. Мхитарян иккинчи тоифага мансуб. У янги муҳитга аста-секинлик билан мослашадиган ўйинчи. Унга вақт керак. Шунга ўхшаш ҳолат Ди Мария "Реал"га ўтганида ёки Виллиан "Челси"га келганига руй берганди. Ҳар иккаласи ҳам кейин ўйнаб кетишганди.

Мхитарян тайёр ҳолатга келишини кутяпман. Генрихга албатта имконият тақдим этилади.

Жозе Моуринью "Манчестер Юнайтед"нинг натижаларидан мамнун