Осиё кубоги нимчорак финал босқичидан ўрин олган Ироқ ва Иордания ўртасидаги учрашувда ироқликлар сўнгги дақиқаларда иккита гол ўтказиб, аламли тарзда мағлуб бўлди.
Ўйиндан кейин ўтказилган матбуот анжуманида ироқлик журналистлар терма жамоа бош мураббийи Хесус Касас Гарсияга катта норозилик билдиришди. Дастлаб, мураббийга ўта кескин саволлар берилди. Мутахассиснинг жавобига қониқмаган журналистларнинг саволлари кетма-кет давом этаверди ва матбуот анжумани ўтказилаётган хонада тартибсизлик келиб чиқди. Шундан сўнг, аксарият ироқлик журналистлар хонани тарк этишга қарор қилишди. Улардан баъзилари норозилик билдиришда давом этди ва мураббий ўтирган жойга яқинлаша бошлашди. Мураббий томон ҳаракатланаётган журналистлар йўлига хавфсизлик ходимлари тўсиқ бўлди. Якунда, хавфсизликка масъул ходимлари ироқлик журналистларни хонадан чиқариб юборишга мажбур бўлишди.
Вазият юмшагандан сўнг, матбуот анжумани давом эттирилди. Ироқ терма жамоаси бош мураббийи Хесус Касас Гарсия иштирокидаги матбуот анжуманини бироздан сўнг сайтимизда ўқишингиз мумкин.
Изоҳлар