Учрашув якунлангач "Истиқлол" бош мураббийи Камол Жўнашев билан суҳбатлашдик.

- Бугунги баҳс менга ёқди. Ўйинда шогирдларим берилган кўрсатмаларни 70 фоизини бажаришга муваффақ бўлишди. Бир томондан бугун озгина омад ҳам биз томонда бўлди деб ўйлайман, - деб гап бошлади Жўнашев.

- 3 кундан кейин яна бир жиддий учрашувимиз бор. Ўзбекистон Кубоги баҳсларида Наманганнинг "Навбаҳор" жамоасига қарши ўйнаймиз. Бу баҳсга шогирдларимни муносиб тайёрлашга ҳаракат қиламан.

- “УзДонгЖу” жамоаси менга жуда ёқди. Биринчи лигада янгилардан бўлишига қарамай бизга етарлича қаршилик кўрсатишга муваффақ бўлдилар. Жамоада бир қанча тажрибали ўйинчилар борлигини гувоҳи бўлдим.

- Бизда шундай вазиятлар бўлдики, жамоамизнинг бир неча етакчи ўйинчилари жароҳат олишганда жамоа мағлубиятга учрамоқда. Масалан, аввалги ўз уйимизда ўтказилган 2 учрашувда мағлубиятга учрадик. Ўтган турда "Қўқон-1912"га қарши баҳсда йигитларим яхши ҳаракат қилишганди. Жамоам бугун яхши кайфиятда тўп сурди. "УзДонгЖу"га қарши баҳсдаги ғалаба учун шогирдларимга раҳмат айтаман.

Комилжон Икромов ёзиб олди.

Камол Жўнашев: "УзДонгЖу"га қарши ўйин менга ёқди"