- Биринчи бўлимни ёмон бошладик, гол ўтказиб юбордик. Шундай бўлса ҳам биринчи бўлимда бир нечта вазият ярата олдик, шунчаки уларни голга айлантира олмадик. Иккинчи бўлимда учта ўйинни майдонга тушириб, ўйинга қайтдик. Ўйинни назорат қилдик, гол урдик. Аммо бугун ОКМК стандарт вазиятдан иккита гол урди. Ҳушёрликни йўқотдик. Бугун бешта гол уришимиз ҳам мумкин эди.
- Ўзгаришлар бўйича фикрингиз қандай? Захирадан майдонга тушган футболчилар берилган кўрсатмаларни қанчалик тўғри бажаришди?
- Иккита ўйинчимиз ўз даражасида ўйнай олмади. Уларни кейин алмаштиришга мажбур бўлдик. Шунақаси ҳам бўлиб туради.
- Ҳожимат Эркинов бугун кўриниш бермади?
- Унда кичик жароҳат бор.
- Азизбек Турғунбоевни чап қанот ҳимоясига туширдингиз. Терма жамоада ҳам сўнгги пайтлар у ўнг қанотда ўйнаётганди. Унинг чап қанотдаги ўйинидан қониқдингизми?
- Қониқдим. Аввал ҳам чап қанотда ўйнаганди. Азиз ўйнашни билади. Ўтган ўйин уни олдинроққа чиқаргандик. Турғунбоев чап қанотни тўлиқ назорат қилади. Бугун ҳам яхши ўйнади.
- Умар Адҳамзодада ҳам жароҳат борми?
- Ҳа, у тикланиш жараёнида.
- "Пахтакор" бугун марказий ярим ҳимояда муаммоларга дуч келгандек кўринди, креативлик етишмади. Диёр Холматов варианти тўғри бўлмасмиди шу ўринда?
- Фламарионни майдонга туширдик. Ҳаммани майдонга тушириб бўлмайди. Биринчи бўлимда марказ бироз оқсади, лекин иккинчи бўлимда марказ тўлиқ назорат қилинди.
Изоҳлар