- Ўйин ҳақида фикрингиз?
- Ўйинга яхши тайёргарлик кўргандик. Баҳсни яхши бошладик. "Нефтчи" ҳам кучли жамоа ва охиригача кураш олиб борди. Энди бундай ўйинларда битта гол масалани ҳал қилиб қўйиши мумкин. Бугун шундай бўлди. Биринчи бўлимда гол уриб олгач, иккинчи таймда ҳисобни сақлаб қолиш учун ҳимоявий ҳаракат қилишга тўғри келди. Бугун ҳамма ўз даражасида ўйнади, йигитларга раҳмат.
- Бугун "Нефтчи" жамоасига гол уриш учун нима етишмади деб ўйлайсиз? "Нефтчи"нинг ўйини чиқмадими ёки "Пахтакор" яхши тайёргарлик кўриб келганмиди?
- Рақибга нима етишмаганини билмайман, буни улардан сўраш керак. Ўз ўйинимизга келадиган бўлсак, ҳимояда яхши ўйнадик. Баъзи вазиятларда бутун жамоа бўлиб ҳимояландик ва гол ўтказмаслик учун ҳамма интилди.
- Учрашувда кўрдикки, "Пахтакор" футболчиларида жароҳат олиш ёки ётиб олиш кўпроқ кузатилди. Бу терма жамоадан кейин чарчоқ билан боғлиқми ёки тактиками шуни тушунмадик.
- Бизда бунақа тактика йўқ. Тўқнашув сабаб футболчилар майдонда ётишди. Бу ҳолат кўп кузатилмади. Аввалги баҳсда толиқиш сезилганди, лекин бугун билинмади.
- Учрашув бошида ҳужум қилиб гол уриб олиш ва кейин ҳимояга ўтиш режаси ўйиндан олдин бормиди?
- Бундай режа тузмагандик. Айтиб ўтганимдек, ким биринчи гол урса ютадиган ўйин бўлди. Бизнинг омадимиз келиб тўп киритдик ва ғалаба қозондик. Баҳс боришидан келиб чиққан ҳолда ҳимояландик.
