- Қийин ўйин бўлишини билардик. Икки жамоада ҳам голли вазиятлар етарлича бўлди. Ким гол урса, ўша ютиб кетиши керак эди. Мухлисларга ёқадиган ўйин бўлди деб ўйлайман.

- Ғалаба билан табриклайман. Кеча термадан учиб келган футболчиларнинг ҳолати қандай бўлди? Улар ўйин олдидан бўлган машғулотда қатнашишдими?

- Улар соат кечки 10дан ўтиб жамоага қўшилишди. Машғулот ҳам ўтказишмади. Шифокорларимиз уларни тиклаб, ўйинга шай ҳолатга келтиришди ва бу натижасини берди.

- Сўнгги турда "Навбаҳор"га қарши сафарда бўлади. Ўтган йили 5:2 ҳисоби қайд этилганди. Ушбу учрашув ҳақида гапирсангиз.

- Охиригача курашамиз. Сўнгги ўйинда ҳам бор кучимиз билан ўйнаб, ғалабага эришишга ҳаракат қиламиз.

- Мақсад кумуш медалми?

- Ҳа.

- Мавсум бошида йўқотилган очколар вақтида жамоада бошқа мураббий ишлаётганди. Сиз бошқарувни қўлингизга олганингиздан кейин сафарда "Қўқон-1912" ҳамда "Шўртан"га қарши ўйинларда ротация сабабли очколар йўқотди. Агарда жамоа асосий таркиб билан ўйнаб, ғалаба қозонганида "Пахтакор"да ҳам чемпионлик учун имконият бўларди.

- Қўл остимда 20 нафар футболчи бор, шу сабабли катта ротация қилмагандим. Ҳа, ўшанда йўқотилган очколар бизга керак бўларди. Бироқ бу футбол, бу шунақа спорт. Қўл остимдаги барча футболчиларни асосий таркиб футболчилари деб ҳисоблайман.

Камолиддин Тожиев: "Мухлисларга ёқадиган ўйин бўлди"