Тўғри, балки бевосита икки футболчини солиштирганда биргина кўрсаткич билан кучлироқ дейиш нотўғри бўлар, аммо жамоага қанчалик фойдаси тегаётгани муҳим жиҳатлигини ҳеч ким инкор эта олмайди.

Сўнгги йилларда Испанияда етакчилик учун икки клуб курашиб келмиоқда. Азалий рақиблар "Реал" ва "Барса"нинг муҳим футболчилари бўлмиш Лионель Месси ва Карим Бенземанинг жамоаларининг Ла Лигадаги самарадорлигига қанчалик ҳисса қўшаётганига эътибор қаратсак.

1) Месси Испания чемпионатида 19 та гол урди. "Барселона"нинг умумий кўрсаткичи эса 63та тўп. Бу голларнинг 30% аргентиналикка тегишлилигини англатади 30%.

Роналду vs Месси қарама-қаршилиги даврида Лионелнинг максимал натижаси 39% бўлган.

2) Бензема Испания чемпионатида 14 та тўпга муаллифлик қилиб улгурди. "Қаймоқранглилар"нинг умумий кўрсаткичи 49 та. Франциялик форвард жамоаси голларининг 29%га ўз исмини ёздириб қўйган бўлиб чиқмоқда. Эътиборлиси бу Бензема учун шаҳсий рекорд натижа ҳисобланади. Унинг натижаларига қараб, карантиндан аввалги ўйинларда голсиз серияни бошдан ўтказаётган бўлсада, бу мавсумдаги меҳнатлари учун Бенземага қойил қолса арзийди.

Вазиятни янада яхшироқ тушуниш, тасаввур қилишингиз учун «Реал»нинг охирги йиллардаги голларида Криштиану Роналдунинг улушига тўхталамиз:

- 2017/18-йилги мавсум жамоа 94 гол урган бўлса, 26 таси Роналду ҳисобига ёзилган - бу 28%!

- 2016/17-йилги мавсум жамоа 94 гол урган бўлса, 26 таси Роналду ҳисобига ёзилган - бу 28%!

- 2015/16-йилги мавсум жамоа 110 гол урган бўлса, 35 таси Роналду ҳисобига ёзилган - бу 32%!

- 2014/15-йилги мавсум жамоа 118 гол урган бўлса, 48 таси Роналду ҳисобига ёзилган - бу 41%!

Бу статистик кўрсаткичлар билан биз Бензема ҳамкасблари Криштиану Роналду ва Лео Мессидан ҳар жабҳада устун демоқчи эмасмиз, аммо у ҳам камида энг фойдали футболчилар сирасига киришини назарда тутдик.

Шу ўринда Испания футболига бефарқ бўлмаган инсон борки Бенземани "туширган қовунларини" кулиб тилга олмаган бўлса. Лекин, эътибор беринг, баъзан мухлислар Карим Бенземанинг фойдали жиҳатларига кўз юмиб, "автопилотда" танқид қилаётгандек туюлмайдими?

Қанча мураббийлар келди-кетди, қанча ҳужумчилар "Қироллик клуби" шарафини ҳимоя қилишга улгурди. Доим танқид қилинишига ўрганиб қолганимиз Бензема эса ҳамон Мадридда!

Карим Бензема vs Лионель Месси