Хабарингиз бор, Испани Суперкубоги учун баҳслар Саудия Арабистонида бўлиб ўтмоқда. Бугун тунда иккинчи ярим финалда "Реал Мадрид" "Мальорка" билан куч синашади. Баҳс Жиддадаги "Қирол Абдулла" стадионида бўлиб ўтади.

"Реал"нинг собиқ ҳужумчиси Карим Бензема ҳозирда айнан шу мамлакатда "Ал Иттиҳод" шарафини ҳимоя қилмоқда. Карим фурсатдан фойдаланиб, испан клуби делегацияси жойлашган меҳмонхонага ташриф буюрган ва собиқ жамоадошлари билан учрашган.

Эслатиб ўтамиз, Саудия Арабистони чемпионати жорий мавсуми 13-туридан кейин "Ал Иттиҳод" 36 очко билан етакчи бўлиб турибди. Карим Бензема эса 10 та ўйинда 10 та гол уриб, 3 та голли узатма етказиб берди.

Карим Бензема яна "Реал" қароргоҳида