- Жаҳон чемпионатида тўп тепиш қандай завқ бағишлайди?

- Жароҳатимдан кейин мундиалда иштирок этаман деб ҳеч ўйламагандим, шунинг учун шахсан мен учун бу жуда ёқимли. Болалигингизда табиий равишда жаҳон чемпионатида ўйнашни хоҳлайсиз. Шахсий менинг болаликдаги орзуим шундай эди. Мен ҳар доим телевизор қаршисида туриб, терма жамоа ўйинлари олдидан давлат мадҳиясини жўр овозда куйлардим. Мундиалда қатнашиш чиндан ҳам болаликдан орзуим эди.

- Гуруҳингизда иккита Европа чемпионатида иштирок этган ягона футзалчисиз. Жаҳон чемпионати Европа қай даражада фарқланади?

- Ҳа, менимча, жаҳон чемпионати кўпроқ орзу қилаинадиган турнир саналади. Нидерландия кичик футзал мамлакати ҳисобланади. Иккита Европа чемпионатида иштирок этиш ва эндиликда жаҳон чемпионатида тўп тепиш - бу, албатта, ёқимли туйғу. Мен ўзимни яхши ҳис қиламан. Умуман олганда, биз турнирга тайёрмиз.

- Жаҳон чемпионати қачон сиз учун муваффақиятли ўтади?

- Нима бўлганда ҳам, мен шу ерда эканлигимнинг ўзидан мамнунман, шунинг ўзиёқ мен учун бахт. Албатта, имкон қадар узоқроққа боришни хоҳлайман, менимча, буни ҳаммахоҳлайди. Карьерамни тортга қиёсласак, жаҳон чемпионати унинг марказидаги безакдир.

Эслатиб ўтамиз, Нидерландия терма жамоаси "А" гуруҳидаги илк учрашувини 14 сентябрь куни Ўзбекистонга қарши ўтказади.

Оқил Абдубарноев тайёрлади.

Карим Моссауи: "Жаҳон чемпионати торт устидаги безакдир"