Олдинроқ тарқалган маълумотларда Анчелоттининг Бразилия термасида иш бошлаши мумкинлиги ёзилганди. Кейинчалик "Реал" ва Бразилия термасининг собиқ футболчиси Роналдо бу мавзуда Анчелотти билан гаплашганини айтганди.
- Сизга Бразилия футбол конфедерациясидан қўнғироқ бўлдими?
- Йўқ.
- Роналдо Сизни Бразилия термасига таклиф қилганини айтди.
- Роналдо билан бу борада нималар деганимни эслай олмайман.
- Клубда қолишни истайсизми?
- Шартномамда барчаси ёзиб ўтилган. Бунга ҳеч нимани қўшимча қилмоқчи эмасман. Бразилияни, уларнинг футболчиларини, мухлисларини яхши кўраман. Бироқ менинг "Реал" билан шартномам бор. Трансферлар бозорида бўлаётган ишлар ҳеч нимани англатмайди. Эътиборимни мавсумнинг энг муҳим палласига қаратганман. Вазифам футболчиларимга эътибор бериб, яхши натижалар қайд этиш, - деди Анчелотти.
