Маълумки, Эрон ЖЧ-2018да гуруҳдан чиқа олмаган бўлса-да, ўз ўйини билан кўпчиликда илиқ таассурот қолдирди. Форслар Марокашни 1:0 ҳисобида мағлуб этишган бўлса, Испанияга 0:1 ҳисобида ютқазиб қўйишди ва Португалия билан 1:1 ўйнашди.

"Мен терма жамоанинг шу даражага чиқишида кимлар ёрдам берган бўлса, ҳаммага раҳмат айтишни хоҳлайман. Биз эронлик мухлисларнинг, умуман Эрон халқининг кўча-кўйда ғурурланиб юриши учун қўлдан келганча ҳаракат қилдик".

"Жаҳон чемпионатидан олдин кўплаб одамлар имкониятларимизни паст баҳолашганди. Эрон ҳамма ўйинни ютқазиб қайтади деб ўйлашганди. Бизга гуруҳдан чиқиш учун озгина омад етишмади, лекин иштирокимиздан қониқдим".

"Энди бор эътиборни Осиё Кубоги-2019 мусобақасига қаратамиз. 42 йил деганда тўртинчи марта турнирда ғолиб чиқишни истаймиз. Лекин бу осон бўлмайди. Чунки мусобақада бошқа кучли жамоалар ҳам бўлади. Масалан, Японияни олайлик. Бу мамлакатда футбол ривожи йўлга қўйилганига 40 йил бўлди. Шундай экан, сиз мусобақага 15 кун қолганида тайёргарликни бошлаб бундай жамоаларни енга олмайсиз", - дейди Кейруш.

Карлуш Кейруш: "Осиё Кубогига тайёргарликни 15 кун қолганида бошлаш керак эмас"