Бу ҳақда Mail on Sunday ФИФА президенти Йозеф Блаттердан интервью олган Бонита Мерсиадеснинг китобига асосланиб хабар бермоқда.

Блаттернинг айтиб беришича, 2010 йилда ЖЧ-2022га мезбонлик қилувчи давлат аниқланишидан бир неча ой олдин Қатар ғалаба қозонса beIN Sports ФИФА ҳисоб рақамига 100 млн. евро ўтказиб беришни ваъда қилган. Турнир мезбони аниқланганидан сўнг, ҳақиқатдан ҳам пуллар ташкилот ҳисобига тушган. Қатар телеканали матбуот-хизмати Mail on Sunday талабига кўра ФИФА улардан 100 млн. евро олганини тасдиқлади, аммо маблағ бошқа мақсадда ўтказилганлигини айтишди.

Шу билан бирга, Блаттернинг маълум қилишича, у Қатар турнирни ўтказиш ҳуқуқидан айрилишини истаган, бироқ у Қатар амири билан ушбу ишга аралашмасликни келишиб олган, аммо бир шарт эвазига. Шартга кўра, ФИФА ижро қўмитасининг собиқ аъзоси қатарлик Муҳаммад бин Ҳаммам ФИФА раҳбарлиги учун сайловларда иштирок этмаслиги керак эди.

Бундан ташқари, ФИФА собиқ раҳбарининг сўзларига кўра, ФИФА ижро қўмитаси собиқ аъзоси Франц Беккенбауэр ЖЧ-2022 мезбонини аниқлашда Австралияга овоз бериш учун улардан пора олган.

Катта можаро. Қатар канали ЖЧ-2022 учун ФИФАга 100 млн. евро тўлаган